الحب والوحدة العربية

[الدمشقي]

من زمان وقت الي كنت صغير كنت اتخيل اني ملك على هالارض وبقدر اتحكم بتفاصيل الحياة كنت مفكر الارض هي بحجم الخريطه يالي على سطح مكتبي كنت قول انا اليوم راح اشيل كل الحدود ووسع المملكه وضم الشعوب مع بعضها حسيت اني القوة الوحيده بالعالم وشفت للحظه نظراة الشعوب الي وهي عم تهتف باسمي ماكنت بعرف انه الدنيا صارت طوائف واحزاب وكنت اسأل نفسي مين حط الحدود وليش البلد الفلاني اكبر من الثاني وليش البلد هذا اغنى من هذا مع انه الارض وحده الاسئلة كانت اكبر من عمري ولما كبرت شوي قررت اني صغّر خيالي وحلمي شوي صرت فكر ببيتنا قلت ليش ما بيكون بيتنا هو وطني اكتشفت انه حتى ببيتنا فيه حدود ومصالح وفيه احزاب كبرت شوي قررت اني اكون ملك عل نفسي والغريب بالموضوع انه الواحد فينا كل ما عم يكبر شوي عم يصغر حلمه أكثر وضليت محافظ على مملكتي هيك لحتى حبيت والجميل بالموضوع اني لاول مره بسمح بتعدد الاحزاب والديمقراطية والافكار بيني وبين حبيبتي وبعطيها قلبي وبتعطيني قلبها وطن احكمه انا وهي وبهيك بكون حققت الفكره الكبيره يلي حلمت فيها انا وصغير الوحده ألغاء الحدود وتعدد الاحزاب والديمقراطية لانه حبيبتي اصبحت وطنها واصبحت وطني
ياريت كل العالم العربي يكون مثلي انا وحبيبتي والزعماء يحبوا بعضهم والحلم العربي يتحقق وتصير الوحده العربيه